რომელი პროდუქტი და მომსახურება გაძვირდა იანვარში ყველაზე მეტად

2026 წლის იანვარში წინა თვესთან შედარებით ინფლაციის დონემ საქართველოში 1.2 პროცენტი, ხოლო წლიური ინფლაციის დონემ 4.8 პროცენტი შეადგინა. ამის შესახებ ინფორმაციას სტატისტიკის ეროვნული სამსახური აქვეყნებს.

რაც შეეხება საბაზო ინფლაციას, „საქსტატის“ მონაცემებით, აღნიშნულმა მაჩვენებელმა 2026 წლის იანვარში, გასული წლის შესაბამის პერიოდთან შედარებით 2.4 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.1 პროცენტით განისაზღვრა.

ამავე მონაცემების მიხედვით, იანვარში, წინა წლის იგივე პერიოდთან შედარებით, ყველაზე გაძვირებულ პროდუქტებს შორის არის: ქლიავი, მსხალი და ქორწინების ბეჭედი.

უფრო კონკრეტულად, „ბიზნესპრესნიუსი“ საქსტატზე დაყრდნობით გთავაზობთ იმ პროდუქტების ათეულს, რომელიც წლიურად ყველაზე მეტად გაძვირდა:

• ქლიავი – 98%;
• მსხალი – 52%;
• ქორწინების ბეჭედი – 49%;
• ატამი – 37%;
• კარტოფილი – 28%;
• ლიმონი – 26%;
• ნაყინი – 26%;
• საავადმყოფოს მომსახურება – 25%;
• შებოლილი თევზი – 25%;
• საზამთრო – 24%.

www.bpn.ge