რომელი პარტიები დარეგისტრირდნენ ცესკოში 4 ოქტომბრის არჩევნებისთვის

ცენტრალური საარჩევნო კომისია იმ პარტიების ჩამონათვალს აქვეყნებს, რომლებმაც 4 ოქტომბრის ადგილობრივი თვითმმართველობის არჩევნებისთვის ცესკო-ს რეგისტრაციისთვის მიმართეს.

ცესკო-ს ინფორმაციით, 4 ოქტომბრის არჩევნებზე რეგისტრაციისთვის ცესკო-ს 17-მა პარტიამ მიმართა, მათგან 14 უკვე რეგისტრირებულია, სამი კი განხილვის პროცესშია.

არჩევნებისთვის უკვე რეგისტრირებული არიან პარტიები: „ქართული ოცნება“, „ძლიერი საქართველო – ლელო“; „გახარია საქართველოსთვის“; „გირჩი“; „საქართველოს პატრიოტთა ალიანსი“; „კონსერვატორები საქართველოსთვის“; „მამული, ენა, სარწმუნოება“; „სახალხო ხელისუფლება“; „საქართველო“; „მემარცხენე ალიანსი“; „ქართველ ერთობა“; „მწვანეთა პარტია“; „ჩვენი გაერთიანებული საქართველო“; „თავისუფალი საქართველო“.

რეგისტრაციის საკითხი ჯერ კიდევ განიხილება სამი პარტიისთვის. ესენია: „მესამე გზა“; „საქართველოს ერთობისა და განვითარების პარტია“; „დემოკრატთა ალიანსი“.