როდის შეიძლება გაძლიერდეს გრიპის ვირუსი-თამარ გაბუნიას პასუხი

გრიპის მიმდინარეობას ახასიათებს გარკვეული ტალღურობა – შესაძლებელია, თებერვალში იყოს ინფექციის გავრცელების ზრდა, – ამის შესახებ ჯანდაცვის მინისტრის მოადგილემ, თამარ გაბუნიამ სეზონურ ვირუსებზე, მათ შორის, გრიპზე საუბრისას განაცხადა.

როგორც ის განმარტავს, მიმდინარე პერიოდი სტაბილიზაციით ხასიათდება.

“გარკვეული სტაბილიზაცია ჩანს. სეზონურად გრიპის მიმდინარეობას ახასიათებს გარკვეული ტალღურობა. შესაძლებელია, თებერვალში იყოს ინფექციის გავრცელების ზრდა. ჯერ ამაზე საუბარი ადრეა. მიმდინარე ეტაპზე, კიდევ უფრო მეტი გავრცელება აღარ უნდა იყოს, ნოემბრის ბოლო კვირა და მიმდინარე პერიოდი სტაბილიზაციით ხასიათდება“, – აღნიშნავს გაბუნია.