როდის და როგორი გრაფიკით აღდგება მოძრაობა კურორტ გომისმთის მიმართულებით

ოზურგეთი – კურორტ გომისმთის მიმართულებით გადაადგილებაზე შეზღუდვა 16 ივლისიდან გარკვეული პერიოდით იხსნება.

16 ივლისიდან მოძრაობა ნებადართული იქნება შაბათი დღის 15 საათიდან, ორშაბათის დილის 9 საათამდე. დანარჩენ დღეებში გადაადგილება კვლავ აკრძალული იქნება.

შეზღუდული გრაფიკით გადაადგილება დაშვებული იქნება ოქტომბრის ბოლომდე.

შეგახსენებთ, რომ ოზურგეთი – კურორტ გომისმთის საავტომობილო გზის 12-32 კმ-ზე მიმდინარე საგზაო სამუშაოების გამო, ამ მიმართულებით გადაადგილება აკრძალული იყო 2022 წლის 20 ივნისიდან, 2022 წლის 15 ივლისის ჩათვლით.