საოლქო-საარჩევნო კომისიებმა ადგილობრივი თვითმართველობის არჩევნები შეაჯამეს. დღეს ბოლო სხდომა ჩაატარა ოზურგეთის N60 საოლქო-საარჩევნო კომისიამ და შემაჯამებელი ოქმიც გამოქვეყნდა.
როგორც ოზურგეთის საოლქო საარჩევნო კომისიის თავმჯდომარემ, ბერდია ლომიძემ “გურიაTV”-ს უთხრა, ოზურგეთის ახალი მოწვევის საკრებულო 46 კაციანი იქნება. მათგან ,, ქართული ოცნების ‘’ დეპუტატი პროპორციული სიით 13 გახდა, თითო-თითო მანდატი კი ,,ლელო ძლიერი საქართველოსა’’ და ,,გახარია საქართველოსთვის ‘’ წევრებს ერგოთ. რაც შეეხება მაჟორიტარებს, აქ სრული უმრავლესობა 31 მანდატი ,, ქართული ოცნებისაა”.
ახალი მოწვევის საკრებულოს სხდომა სავარაუდოდ ოქტომბრის ბოლოს გაიმართება. როცა ცენტრალური საარჩევნო კომისია შემაჯამებელ ოქმს საბოლოოდ გამოაქვეყნებს.
კომენტარები
Loading ...