როდის აღდგება გაზმომარაგება გურიასა და აჭარაში

გურიისა და აჭარის მოსახლეობას გაზმომარაგება ხვალ, 29 ნოემბერს დღის განმავლობაში აღუდგება. 

“საქართველოს გაზის ტრანსპორტირების კომპანია” მაგისტრალური გაზსადენის დაზიანებასთან დაკავშირებით განცხადებას ავრცელებს. გავრცელებულ ინფორმაციაში ნათქვამია, რომ დადგინდა “ქუთაისი-სოხუმის”, მაგისტრალური გაზსადენის ქობულეთის 500 მმ-იან განშტოებაზე, მომხდარი ავარიის მიზეზი.

“შესაბამისი სამსახურები აქტიურ მუშაობას აწარმოებენ, პრობლემის აღმოფხვრის მიზნით, რომლის დასრულების შემდეგ, მიმდინარე წლის 28 ნოემბერის 24 საათიდან გაზის მიწოდება აღუდგება, სტრატეგიულ ობიექტებს, კოვიდ-სასტუმროებსა და საავადმყოფოებს. ხოლო, 29 ნოემბერს გურიისა და აჭარის სრულ მოსახლეობას”,– ნათქვამია განცხადებაში.