როდიდან იქნება შესაძლებელი ბაობაბების ნახვა დენდროლოგიურ პარკში

ზამთრის დადგომას გილოცავთ და მასთან ერთად, ნუ გამოგრჩებათ ჩვენი სამუშაო საათების ტრადიციული ცვლილება – ზამთრის თვეებში პარკი 11:00 საათიდან 17:00 საათამდე იღებს სტუმრებს (აქვე შეგახსენებთ, რომ ყოველთვის გაითვალისწინოთ დათვალიერებისთვის საჭირო სულ მცირე 1 საათი და ამის მიხედვით დაგეგმოთ ჩვენთან მოსვლის დრო).

უკვე იცით, რომ დენდროლოგიური პარკი მუშაობს ყოველ დღე, ორშაბათისა და ხუთშაბათის გარდა, ჩვენთან სტუმრობა კი უფასოა და ეს არასდროს შეიცვლება.

ახლა კი მთავარი სიახლე და კარგი ამბავი – ჩვენს ბიომრავალფეროვნებას აფრიკული ბაობაბები დაემატა, რომელთა მონახულებას მსურველები 3 დეკემბრიდან შეძლებენ. ამ ეტაპზე, მიმდინარეობს ბაობაბებს შორის ბილიკების მოწყობის სამუშაოები, ამიტომ ჩვენი ახალი ბინადრების ნახვას, ჯერჯერობით, მთავარი ბილიკიდან მოახერხებთ.

მადლობას გიხდით სიყვარულისთვის და ერთგულებისთვის, რასაც თქვენგან ვგრძნობთ და ჩვენც სიყვარულს გიგზავნით!” – ნათქვამია გავრცელებულ განცხადებაში.