როდემდე იწვიმებს საქართველოში – ამ კითხვას სინოპტიკოსი კობა ფარტენაძე პასუხობს.
“სამშაბათიდან საქართველოში დათბება. გაზაფხულისთვის დამახასიათებელი წვიმა იქნება, მაგრამ ეს იქნება მომატებული ტემპერატურის ფონზე“ – ამბობს ფარტენაძე გადაცემაში “დილის ტალღა”.
დღეს საქართველოს უმეტეს ტერიტორიაზე მოსალოდნელია წვიმა ელჭექით, ცალკეულ მაღალმთიან რეგიონებში თოვლჭყაპი, ზოგან ძლიერი, შესაძლებელია სეტყვა. იქროლებს დასავლეთის მიმართულების ძლიერი ქარი, ზღვაზე 3-4 ბალიანი შტორმული ღელვა.
გარემოს ეროვნული სააგენტოს მოსახლეობას აფრთხილებს, რომ მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა – გააქტიურება, მაღალმთიან ზონებში თოვლის ზვავების ფორმირება გამოიწვიოს.
Loading ...