როგორია ეპიდვითარება ჩოხატაურში – ინტერვიუ ჯანდაცვის ცენტრის დირექტორთან

როგორი ეპიდვითარებაა ჩოხატაურში? კითხვებით მივმართეთ ჩოხატაურის ჯანდაცვის ცენტრის ხელმძღვანელს, ქალბატონ ნატო ჯიბუტს.

– სულ ჩოხატაურის მუნიციპალიტეტში 2022 წელს კორონავირუსის რამდენი შემთხვევაა დაფიქსირებული და რამდენია გარდაცვლილი?  – მიმდინარე წელს 984 შემთხვევაა დაფიქსირებული; პანდემიის დაწყებიდან ჩოხატაურში სულ გარდაცვლილია 64 ადამიანი.

– როგორია ბოლო 24 საათის სტატისტიკა?  – ბოლო 24 საათში 82 შემთხვევაა დადასტურებული.

– ომიკრონი თუ არის გამოვლენილი ჩოხატაურში? – ძირითადად ეს ვირუსი 80,90 % ომიკრონია.

– სულ რამდენი ადამიანი აცრილი? – 13 386 ადამიანი.

– როგორ უნდა დავიცვათ თავი კორონავირუსისგან, რას ურჩევდით მოსახლეობას?  – პირველ რიგში ვაქცინაციისკენ მოვუწოდებ მოსახლეობას. იმ კვირიდან ვიწყებთ ვაქცინაციის პროცესს სოფლებში, საექიმო ამბულატორიებში და ვიწყებთ სოფელ ქვენობნიდან. ასევე ვურჩევ მოსახლეობას დისტანციის დაცვას, თავყრილობებისგან თავის შეკავებას, პირბადის ტარებას. პირბადე, ჩვეულებრივი მექანიკური საშუალებაა, რომელიც არანაირ გართულებებს არ იწვევს, ყველა ადამიანი უნდა მიეჩვიოს. ეს არის მოქალაქეობრივი დამოკიდებულება ერთმანეთის მიმართ, პირველ რიგში ჩვენი თავი დავიცვათ და შემდეგ ერთმანეთი, პირბადე უნდა გახდეს ჩვენი ორგანული ნაწილი.

– ჯანმრთელობას გისურვებთ.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა თაკო ასიეშვილმა  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.