როგორია გიორგი მამარდაშვილის ჯანმრთელობის მდგომარეობა – სლოტმა ქართველ მეკარეზე ისაუბრა

ინგლისის პრემიერ ლიგის 33-ე ტურის შეხვედრაში, „ლივერპული“ სტუმრად „ევერტონს“ დაუპირისპირდა (მატჩი „წითლების“ გამარჯვებით, 2:1 დასრულდა). გიორგი მამარდაშვილი ძირითად შემადგენლობაში იყო, თუმცა 58-ე წუთზე მეტოქის ფორვარდ ბეტოსთან მძიმე შეჯახების შედეგად დაშავდა. ქართველი მეკარე მოედნიდან საკაცით გაიყვანეს და მის ნაცვლად თამაშში ვუდმენი ჩაერთო.

არნე სლოტის კომენტარი:

მატჩის შემდეგ „ლივერპულის“ მთავარმა მწვრთნელმა, არნე სლოტმა, გიორგის მდგომარეობაზე ისაუბრა:

„გიორგი მამარდაშვილი საავადმყოფოში გადაიყვანეს. მას თავის არეში მძიმე დარტყმა მოხვდა და ამ მომენტისთვის დამატებითი გამოკვლევები უტარდება. სანამ სამედიცინო პერსონალისგან სრულ დასკვნას არ მივიღებთ, ზუსტად ვერ გეტყვით, რამდენად სერიოზულია დაზიანება. ყველას გვეშინოდა, რადგან შეჯახება მართლაც მძიმე იყო.“

ეს ტრავმა განსაკუთრებით დასანანია იმის ფონზე, რომ მამარდაშვილმა ბოლო პერიოდში რამდენიმე ძალიან კარგი მატჩი ჩაატარა (მათ შორის ჩემპიონთა ლიგაზე პსჟ-სთან) და სლოტისგან შექებაც დაიმსახურა.