როგორი ამინდია მოსალოდნელი დღეს საქართველოში?

გარემოს ეროვნული სააგენტოს ცნობით, დღეს საქართველოში დროგამოშვებით ღრუბლიანობის მომატებაა მოსალოდნელი. უწყებაში აღნიშნავენ, რომ დღის მეორე ნახევრიდან 11 აგვისტომდე საქართველოში, მაღალი ტემპერატურის ფონზე, მოსალოდნელია წვიმა ელჭექით, ზოგან ძლიერი, დასავლეთის მიმართულების ძლიერი ქარი, შესაძლებელია სეტყვა, ზღვაზე 3-4-ბალიანი შტორმული ღელვა.

მოსალოდნელმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

8 აგვისტოს ამინდის პროგნოზი კი ასეთია:

დასავლეთ საქართველოში – დროგამოშვებით ღრუბლიანობის მომატება. ღამით ზოგიერთ, დღისით უმეტეს რაიონში ხანმოკლე წვიმა და ელჭექი, დღისით ზოგან ძლიერი. ცვალებადი მიმართულების ქარი 10-15 მ/წმ, ელჭექის დროს ქარის გაძლიერება. ჰაერის ტემპერატურა: დაბლობში ღამით +21, +26°, დღისით +29, +34°; მთაში ღამით +17, +22°, დღისით +30, +35°; მაღალ მთაში ღამით +12, +17°, დღისით +27, +32°.

აღმოსავლეთ საქართველოში – დროგამოშვებით ღრუბლიანობის მომატება. ღამით ზოგიერთ, დღის მეორე ნახევრიდან უმეტეს რაიონში ხანმოკლე წვიმა და ელჭექი, ზოგან შესაძლებელია ძლიერი და სეტყვა. ცვალებადი მიმართულების ქარი 10-15მ/წმ, ელჭექის დროს ზოგან ქარის გაძლიერება. ჰაერის ტემპერატურა: ბარში ღამით +19, +24°, დღისით +34, +39°; მთაში ღამით +14, +19°, დღისით +30, +35°; მაღალ მთაში ღამით +11, +16°, დღისით +25, +30°.

თბილისში – დროგამოშვებით ღრუბლიანობის მომატება. დღის მეორე ნახევრიდან შესაძლებელია ხანმოკლე წვიმა ელჭექით, ჩრდილო-დასავლეთის ქარი 10-15მ/წმ, დროგამოშვებით შესაძლებელია ქარის გაძლიერება. ჰაერის ტემპერატურა: დღისით +38°, ღამით+23 °.