როგორი ამინდი იქნება საქართველოში მომდევნო დღეებში

გარემოს ეროვნული სააგენტოს ცნობით, 25 ივლისამდე საქართველოში მაღალი ტემპერატურის ფონზე მოსალოდნელია დროგამოშვებით ხანმოკლე წვიმა და ელჭექი.

„აღმოსავლეთ საქართველოში ზოგან შესაძლებელია სეტყვა. ჰაერის ტემპერატურა დასავლეთ საქართველოში +28, + 33, ხოლო აღმოსავლეთ საქართველოში +33, + 38 გრადუსი იქნება.

ოზურგეთში ცვალებადი ამინდი 22 და 25 ივლისს მოსალოდნელია დროგამოშვებით წვიმა, ტემპერატურა – 17-27 გრადუსი.

ჩოხატაურში – ცვალებადი ამინდი, 25 ივლისს მოსალოდნელია წვიმა, ტემპერატურა – 19-30 გრადუსი.

ლანჩხუთი – ძირითადად მზიანი ამინდი, ტემპერატურა – 18-30 გრადუსი.

ცვალებადი ამინდია მოსალოდნელი ბახმაროში, სადაც შაბათს, 22 ივლისს “მთის ფესტივალი” გაიმართება. ტემპერატურა ღამით +13, დღისით +25 გრადუსი.

თბილისში ხანმოკლე წვიმა ელჭექით არის მოსალოდნელი. ჰაერის ტემპერატურა დღის საათებში +35, +37 გრადუსი დაფიქსირდება“, – აღნიშნულია გავრცელებულ ინფორმაციაში.