ღონისძიებები, რომელიც ჭადრების ბაღში ”ევროპის დღეების” აღსანიშნავად ჩატარდა, საკმაოდ მრავალფეროვანი და საინტერესო იყო. კინოთეატრის მიმდებარე ტერიტორიაზე კარვები იყო მოწყობილი, სადაც სხვადასხვა არასამთავრობო და კერძო სექტორი პოპულარიზაციას საკუთარ პროდუქტს ან საქმიანობას უწევდა.
აქ იყო პროფესიული კოლეჯი ”ჰორიზონტი” საკუთარი ნამუშევრებით, ორგანიზაცია ”ელკანა” სოფლის მეურნეობის პროდუქტებით, არასამთავრობო სექტორი მოხალისობრივი ფორუმით, ერასმუსის პროგრამა შემოთავაზებებით სტუდენტთათვის – ეს კინოთეატრის წინ მიმდინარე საინტერესო პროცესების არასრული ჩამონათვალია.
ამ ყველაფრის პარალელურად აქტიურად მიმდინარეობდა სხვადასხვა კღონისძიება, სპორტული შეჯიბრი ბავშვებისთვის და მხიარული თამაშები მცირეწლოვანი პატარებისთვის.
ევროპის დღეებს ოზურგეთში ევროკავშირის ელჩი საქართველოში კარლ ჰარცელი დაესწრო, ჰარცელი ღონისძიების ოფიციალურ გახსნაზე სიტყვით გამოვიდა და ევროპისა და საქართველოს ახლანდელ და სამომავლო თანამშრომლობაზე ისაუბრა.
დღის ბოლოს ღონისძიება კონცერტით დასრულდა. ჭადრების ბაღის სცენაზე ახალგაზრდების საყვარელმა ჯგუფმა ”რეზომ და ბავშვებმა” იმღერა.
Loading ...