დიდი ხანია, წარსულს ჩაბარდა ძაფის მსგავსი წარბი. დღეს ახალი წესებით ვთამაშობთ: ტრენდში ნატურალური ფორმები და მაქსიმალური სისქეა. და რა გააკეთოს მან, ვისაც ამოქნისას ზედმეტი მოუვიდა? შესაძლებელია ბუნებრივი სისქის დაბრუნება?
სპეციალისტები ამბობენ, რომ მინიმალური ვადა, როდესაც წარბს ბუნებრივი სისქე უბრუნდება, გახლავთ 4 თვე. მაგრამ თუ ძალიან წვრილი ფორმა გქონდათ, ამას შეიძლება 1 წელიც დასჭირდეს და მეტიც. მოიკრიბეთ მოთმინება, დაიცავით ეს წესები და დაელოდეთ წარმატებულ შედეგს.
დაივიწყეთ პინცეტი
ახლა კი ყველაზე მთავარი და რთული: დაივიწყეთ პინცეტი რამდენიმე თვით. რთული ამოცანაა, მაგრამ სხვა გამოსავალი არაა.
კვებეთ წარბები შიგნიდან
ბილოგიურად აქტიური დანამატები და ვიტამინები, რომლებიც თმის ზრდას უწყობს ხელს, შესანიშნავად მუშაობს. შეარჩიეთ პრეპარატები, რომლებიც თმის ზრდას ასტიმულირებს, მაგალითად – ბიოტინი (В ჯგუფის ვიტამინი) და ვივისკალი (ამინომჟავური მინერალური კომპლექსი თმის ზრდისთვის).
კვებეთ წარბები გარედან
დაამატეთ თქვენს კოსმეტიკურ რაციონში სპეციალური კონდიციონერი ან ზეთი წარბების ზრდისა და გამაგრებისთვის. საამისოდ შესანიშნავია თალგამის, აბუსალათინის და ჩვეულებრივი მზესუმზირის ზეთები.
ისწავლეთ შენიღბვა
იყავით მზად, რომ გელით წარბების ზრდის ულამაზო ეტაპი. ისწავლეთ სწორად შენიღბვა ფანქრის, ცვილის, ჩრდილებისა და გელის მეშვეობით.
ნუ დაუშვებთ ძველ შეცდომებს
რამდენიმე თვეში თმა საკმაოდ გაიზრდება და დაგჭირდებათ ფორმის კორექცია. აი, აქ კი ჩიხი გელით: მიხვალთ იქამდე, რითიც დაიწყეთ. ამიტომ კვლავ კარგ სპეციალისტს მიმართეთ.
წყარო: marao.ge
Loading ...