რესპუბლიკის მოედნიდან მსვლელობა „ბოლომდე, გამარჯვებამდე!“ მიმდინარეობს

რესპუბლიკის მოედნიდან პარლამენტის მიმართულებით საპროტესტო მსვლელობა მიმდინარეობს სლოგანით – „ბოლომდე, გამარჯვებამდე!“.

მსვლელობის მონაწილეები პარლამენტისკენ მიემართებიან, სადაც უკვე 333 დღეა მიმდინარეობს საპროტესტო აქციები. მათ ხელში უჭირავთ ბანერი იმავე წარწერით – „ბოლომდე, გამარჯვებამდე!“.

აქციის მონაწილეები აპროტესტებენ „ქართული ოცნების“ პოლიტიკას, ითხოვენ ახალ საპარლამენტო არჩევნებს და აქციების ფარგლებში დაკავებული პირების გათავისუფლებას.