საქართველოს საპატრიარქოში აცხადებენ, რომ საპატრიარქოს ტერიტორიაზე რამდენიმე სატვირთო მანქანა რეგიონებში პროდუქტების გაგზავნის მიზნით შევიდა. ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელი სოციალურ ქსელში წერს.
„ჟურნალისტები მწერენ, ვერტმფრენი და სამხედრო ძალის მობილიზება ხდება საპატრიარქოშიო. სინამდვილეში, არავითარი საბრძოლო მოქმედებები არ მიმდინარეობს. პატრიარქმა დახმარება გაუწია და გააგზავნა რეგიონებში პროდუქტები“, – წერს ანდრია ჯაღმაიძე „ფეისბუქზე“.