ოზურგეთში მომხდარი მკვლელობის საქმეში ახალი დეტალები გამოიკვეთა – ერთ-ერთი ვერსიით, 23 წლის მამაკაცს თავს იმ დროს დაესხნენ, როცა თანმხლებ პირებთან ერთად ავტომანქანით ანასეულის გზაზე გადაადგილდებოდა.
თვითმხილველების ინფორმაციით, კლინიკაში ახალგაზრდა მამაკაცი, გიგა როყვა უცნობმა პირებმა შეიყვანეს.
ჩვენი ინფორმაციით, პოლიციას უკვე ჰყავს მკვლელობაში ეჭვმიტანილი.
დანაშაულის მოტივი წარსულში არსებული უთანხმოებაა. არსებული ინფორმაციით, მოკლული და დანაშაულის ჩამდენი პირი საუბრისას სიტყვიერ კონფლიქტში შევიდნენ. დიალოგის დასრულების შემდეგ კი, მაშინ როცა 23 წლის მამაკაცი საკუთარ ავტომობილში ჯდებოდა, ცეცხლსასროლი იარაღიდან ესროლეს.
მომხდართან დაკავშირებით მეზობლებს და ახლობლებს საუბარი არ სურთ. კამერებთან არ ჩნდებიან, ასევე, მოკლულის ოჯახის წევრები. ახლობლები გარდაცვლილს დადებით და უკონფლიქტო ადამიანად ახასიათებენ. მათი თქმით, გიგა რიყვას ავტომობილების ბიზნესი ჰქონდა და ამ საქმიანობით იყო დაკავებული.
ექიმებმა დაჭრილის გადარჩენა ვერ შეძლეს, მას ცეცხლსასროლი ჭრილობა ჰქონდა მიყენებული გულ-მკერდის არეში.
“11 სექტემბერს დაახლოებით 11-ის ნახევარზე, ახლობლების მიერ მოყვანილი იქნა ახალგაზრდა მამაკაცი, დაახლოებით 21 წლის, ფაქტობრივად გვამი, სასიცოცხლო ფუნქციები დარღვეული ჰქონდა, არც პულსი, არც გულის ცემა არ აღენიშნებოდა. ერთადერთი, რაც იქცევდა ყურადღებას მარჯვენა ბეჭის ძვლის ქვემოთ იყო შემავალი ჭრილობა, სავარაუდოდ ცეცხლსასროლი იარაღით მიყენებული. აყვანილი იქნა რეანიმაციის განყოფილებაში, დაახლოებით 40-45 წუთის განმავლობაში უტარდებოდა რეანიმაციული ღონისძიებები, სამწუხაროდ უეფექტოდ,” – განაცხადა მკურნალმა ექიმმა.
Loading ...
