ზუგდიდს მუნიციპალიტეტში, საოკუპაციო ხაზთან შსს-ს აფხაზეთის პოლიციის დეპარტამენტის თანამშრომლების მიერ სპეცოპერაციისას მამა-შვილი დაიჭრა. 19 წლის პაპუნა ძანძავას დედა ამბობს, რომ მათ კონტრაბანდისტული სიგარეტი ჰქონდათ, თუმცა პოლიციამ ცეცხლი გაფრთხილების გარეშე გახსნა.
“ჰქონდათ, ორი ყუთი ჰქონდათ, თამამად ვამბობა ამას, არ მაქვს არანაირი საშველი, მაქვს ბანკის ვალები, ვართ მრავალსულიანი ოჯახი, არავინ არ გვეხმარება, თავის გადასარჩენად ჩემმა ბავშვმა წამოიღო ორი ყუთი. არ ვიცი რას ელოდებოდნენ სად იყო გაფრთხილება, არანაირი გაფრთხილება, მიახტა ტვირთჩამოკიდებულ ბავშვს, დააგდო და ესროლა ტყვია.
ერთი საათი მინდორში იწვნენ, ვეხვეწებოდი, აგრესიულები არიან აფხაზეთის პოლიციელები”, – თქვა დაჭრილის დედამ.
შეგახსენებთ, რომ შემთხვევა გამთენიისას მოზდა. მამა-შვილ ძაძავებს ენგურის გავლის უაქციზო სიგარეტი გადმოჰქონდათ, რა დროსაც პოლიცია მათ ჩაუსაფრდა. ორივე დაჭრილი ზუგდიდის საავადმყოფოშია გადაყვანილი.
Loading ...
