ოზურგეთის მუნიციპალიტეტის სოფელ გომში 46-ე საარჩევნო უბნის თავმჯდომარემ უბანი დატოვა და სახლში წავიდა. როგორც ადგილზე ამბობენ, მაკა ყაზაიშვილი თავს მთელი დღის მანძილზე ცუდად გრძნობდა და საღამოს 17 საათის შემდეგ მუშაობა ვეღარ შეძლო. უბანზე გაჟღერდა ინფორმაცია, რომ თავმჯდომარის ცუდად ყოფნის მიზეზი ალკოჰოლით ინტოქსიკაცია გახდა.
– მაგას რა მნიშვნელობა აქვს. ცუდად გახდა და სახლში წავიდა – განაცხადა აღნიშნულთან დაკავშირებით ოზურგეთის N60 საოლქო-საარჩევნო კომისიის თავმჯდომარემ.
თუმცა უბანზე მყოფების ნაწილი აცხადებს, რომ ყაზაიშვილმა ცოტა ხნის წინ კორონავირუსი გადაიტანა, ანტიბიოტიკოთერაპიას იტარებდა და მისი შეუძლოდ გახდომის მიზეზი სწორედ ეს იყო.
ამჟამად უბნის თავმჯდომარის მოვალეობას მისი მოადგილე ირმა მენაბდე ასრულებს.
კომენტარები
Loading ...
