თუ აღმოსავლეთ აზიის ქვეყნებში გიმოგზაურიათ, შენიშნავდით, რომ ავტოსადგომზე გაჩერებულ ბევრ ავტომობილს საბურავები დაფარული აქვთ. საბურავების დასაფარად ნებისმიერი მასალა გამოიყენება: ფანერა, პლასტმასი, ძველი სკამის საზურგე, კარადის კარი და ა.შ. ყველაზე ხშირად ეს მოვლენა შეიძლება იაპონიასა და ჩინეთში შენიშნოთ, მაგრამ საინტერესოა, რა არის ამის მიზეზი?
აზიის ქვეყნებში უამრავი მაწანწალა ძაღლია. მათი რაოდენობა ზოგ ქალაქში იმდენად დიდია, რომ ევროპელ ან ამერიკელი ტურისტებს სასტუმროდან გამოსვლის ეშინიათ.
მაწანწალა ძაღლები კი, როგორც მოგეხსენებათ, პირველ რიგში ტერიტორიას ნიშნავენ და ძლიერი კონკურენციის გამო, ამას გამუდმებით აკეთებენ. ტერიტორიის მოსანიშნად ძაღლები ნებისმიერ საგანს იყენებენ, რომელიც მიწის ზემოთ მდებარეობს. ეს შეიძლება იყოს ქვები, სვეტები, ხეები და… ავტომობილის საბურავები. ამასთან, ჭკვიანი ძაღლი ცდილობს, კონკურენტის მონიშვნა საკუთარით გადაფაროს და ასე დაუსრულებლად გრძელდება. ალბათ აუცილებელი არ არის, ავხსნათ, როგორ ახერხებენ ძაღლები ტერიტორიის მონიშვნას და რა დისკომფორტს უქმნის ეს ავტომობილის მფლობელებს.
ასევე არ უნდა დაგვავიწყდეს, რომ აზიის ქვეყნებში ცხელ სეზონზე ტემპერატურა შეიძლება, ოცდაათი გრადუსს ასცდეს. ბუნებრივია, ასეთ ცხელ ამინდში ცხოველების ფეკალური მასები ძალიან ცუდ „სურნელს“ აფრქვევენ. თუ ავტომობილი ერთმა ძაღლმა მონიშნა, რამდენიმე საათში მას იმდენი მონიშვნა დაემატება, რომ უსიამოვნო „არომატის“ სუნი ავტომობილის სალონშიც კი შეაღწევს.
სწორედ ამიტომ, წინდახედული მძღოლები ცდილობენ, საბურავები დაფარონ და ყნოსვის ორგანოების მინიმალური დაცვა მაინც უზრუნველყონ.
წყარო: funtime.ge
Loading ...