დუნაის კერძო უნივერსიტეტის (ავსტრია) სამედიცინო ფაკულტეტის მეცნიერებმა აღმოაჩინეს, რომ პლასტმასის ბოთლებიდან დალევამ შეიძლება გაზარდოს არტერიული წნევა.
ამის შესახებ Daily Mail-ი ჟურნალ Microplastics-ში გამოქვეყნებული კვლევის შედეგებზე დაყრდნობით წერს.
ექსპერტებმა დაადგინეს, რომ მიკროპლასტიკებმა, რომლებიც სისხლში ხვდება პლასტმასის ბოთლებში არსებული სითხეებით, შეიძლება უარყოფითად იმოქმედონ გულ-სისხლძარღვთა სისტემაზე. მეცნიერთა აზრით, მიკროპლასტიკური ნაწილაკები არა მხოლოდ პლასტმასის ბოთლებში არსებულ სასმელებში, არამედ შუშის ბოთლებში შენახულ სითხეებშიც აღმოაჩინეს.
ახალ კვლევაში მონაწილეობდა რვა მამაკაცი და ქალი, რომლებსაც ექსპერიმენტის დროს სთხოვდნენ ონკანის წყლის დალევას, პლასტმასის და მინის ბოთლების სასმელებისგან თავის არიდებას. ექსპერიმენტის ბოლოს მონაწილეებს არტერიული წნევა გაუზომეს. აღმოჩნდა, რომ ორი კვირის შემდეგ მათი წნევის მაჩვენებელი შესამჩნევად შემცირდა.
მიკროპლასტიკი არის მიკროსკოპული ფრაგმენტები, რომლებიც წარმოიქმნება პლასტმასის დაშლის შედეგად ულტრაიისფერი გამოსხივების ან მექანიკური სტრესის გავლენის შედეგად, როგორიცაა ბოთლზე დარტყმა.
მეცნიერებმა მიკროპლასტიკური ნაწილაკები აღმოაჩინეს ადამიანის ბიოლოგიურ ქსოვილებში, მათ შორის გულში, ღვიძლში, თირკმელებში და პლაცენტაშიც კი.
გარდა ამისა, მიკროპლასტიკა აღმოაჩინეს მოლუსკებში, ბოსტნეულში, ხილსა და მარილში. 2018 წელს კი მკვლევარებმა აღმოაჩინეს, რომ ყველა გამოსაკვლევი კუს სხეულში ყველაზე პატარა ნაწილაკები იყო. პლასტმასის უმეტესი ნაწილი აღმოჩნდა ხმელთაშუა ზღვაში მცხოვრებ ცხოველებში.
ერთჯერადი ბოთლები შეიცავს განსაკუთრებით დიდი რაოდენობით მიკროპლასტიკს – საშუალოდ ორჯერ მეტს, ვიდრე ონკანის წყალი. მეცნიერებმა ჩაატარეს ექსპერიმენტი: გახსნეს და დახურეს ბოთლი პლასტმასის თავსახურით, შემდეგ კი დაადგინეს, რომ ასეთი მექანიკური მოქმედებით წყალში მიკროპლასტიკების კონცენტრაცია გაიზარდა.
ლალი ჩხიკვაძე
Loading ...