რატომ არ გაიკეთა ჯანდაცვის მინისტრმა საჯაროდ ვაქცინა – ეკატერინე ტიკარაძის განმარტება

კითხვაზე, უკავშირდება თუ არა საჯაროდ აცრის არ გაკეთება იმას, რომ “ასტრაზენეკას” ვაქცინის ევროკავშირის ზოგიერთ ქვეყანაში დროებით შეჩერდა, ჯანდაცვის მინისტრი ეკატერინე ტიკარაძე პასუხობს, რომ მისი გადაწყვეტილება ამასთან არაა კავშირში და შემოტანილი ვაქცინის დოზები მხოლოდ ექიმებზეა გათვლილი.

ტიკარაძის თქმით, ექიმების აცრა პრიორიტეტია და ამიტომ საკუთარი ვაქცინა უნდა დავუთმოთ ექიმებს და პირველ რიგში ისინი უნდა აიცრან.

“არა, ეს არ არის მიზეზი, რატომაც არ გავიკეთე ვაქცინა, თუმცა, პრობლემას ვერ ვხედავ, თუ საზოგადობაში კითხვებს ბადებს ეს ფაქტი, რომ უახლოეს პერიოდში გავიკეთო აცრა. მომავალშიც შემოვა საქართველოში ვაქცინები, მაგალითად, ჩინური ვაქცინა, რომელთანაც შეიძლება არსებობდეს კითხვები, რომელიც ჯანდაცვის მინისტრმა, ან სხვა საჯარო მოხელემ საჯაროდ გაიკეთეოს. აცრები უნდა იყოს დაცული და არ შეიძლება მათი არევა, აქედან გამომდინარე, ჩემთვის ესეც ძალიან საინტერესოა.”, – განაცხადა “დღის კურიერში” ტიკარაძემ.

შეგახსენებთ, რომ საქართველოში კორონავირუსის საწინააღმდეგო ვაქცინის (ასტრაზენეკა) 43 ათასი დოზა 13 მარტს შემოიტანეს და მედპერსონალის ვაქცინაცია მიმდინარეობს.

დაავადებათა კონტროლის ეროვნული ცენტრის რამდენიმე თანამშრომელმა საჯაროდ აიცრა.

ამასთან, 15 მარტის 11:00 საათის მონაცემებით, კორონავირუსის ვაქცინაციაზე 2 492 მედპერსონალი დარეგისტრირდა.