”გურიაTV”-ს ვებ-გვერდზე გავრცელებულ ინფორმაციას, რომლის მიხედვითაც ურეკში არასრულწლოვანმა სანაპიროზე არსებული ბასრი საგნით ხელის მტევანი დაიზიანა და მისი საავადმყოფოში გადაყვანა გახდა აუცილებელი, ოზურგეთის მომსახურების ცენტრის დირექტორი თენგიზ ქუტიძე გამოეხმაურა. ქუტიძის განმარტებით, ქვიშის შემოწმება მიმდინარეობს ინტენსიურ რეჟიმში, მაგრამ ხშირად დამსვენებლები ყრიან სხვადასხვა შუშის ნივთებს პლაჟზე, რის გამოც მსგავსი შემთხვევები ხდება. ქუტიძე დამსვენებლებს მეტი უსაფრთხოებისკენ და სისუფთავისკენ მოუწოდებს. რაც შეეხება პლაჟის ზოგად დანაგვიანებას, მისი განცხადებით, სანაპირო ზოლი ინტენსიურად იწმინდება, თუმცა თურქეთში მომხდარი სტიქიის გამო ზღვას სანაპიროზე სხვადასხვა საგანი, მორები და ა.შ. შემოაქვს, ამიტომ პლაჟი დასუფთავებისთანავე ხშირად ნაგვიანდება, და ამიტომ ცენტრის თანამშრომლები სანაპირო ზოლზე ინტენსიურად მუშაობენ.
Loading ...