რამდენიმე ადამიანი ემსხვერპლა ავარიას ბაღდათი-თბილისის გზაზე

ბაღდათიდან თბილისის მიმართულებით მოძრავი “მინივენი” ავარიაში მოჰყვა.

ავტოსაგზაო შემთხვევის შედეგად 3 ადამიანი დაიღუპა და რამდენიმე დაშავდა. მომხდარი “რუსთავი 2“-ს შინაგან საქმეთა სამინისტროში დაუდასტურეს.

დაშავებულები სასწრაფო სამედიცინო დახმარების ჯგუფებმა საავადმყოფოში გადაიყვანეს.

შინაგან საქმეთა სამინისტროს ცნობით, საქმე სს კოდექსის 276-ე მუხლით არის აღძრული.