დღეს ოზურგეთის მუნიციპალიტეტის საკრებულოში დეპუტატები ახალგაზრდული პროგრამიდან წარმატებული პირველკურსელების დაფინანსების თემით დაინტერესდნენ.
პროგრამა, რომელიც ოზურგეთის მუნიციპალიტეტისათვის ექსკლუზივია, წელსაც, მიუხედავად ბიუჯეტის სეკვესტრისა იმუშავებს.
წარმატებული აბიტურიენტები, რომლებმაც ერთიან ეროვნულ გამოცდაზე მაღალი შედეგი აჩვენეს და 100% გრანტი მოიპოვეს. ოზურგეთის მუნიციპალიტეტის მერიისა და საკრებულოსაგან საჩუქრად 3000 ლარს მიიღებენ. ხოლო წარჩინებული მოსწავლის აღზრდისთვის მშობლიური სკოლა 1000 ლარით დაჯილდოვდება. ოზურგეთის სინამდვილეში 100% გრანტის მფლობელი 17 აწ უკვე პირველკურსელია. ჯილდოდ გასაცემი თანხის რაოდენობა კი 68 000 ლარი.
კომენტარები