რამ გამოიწვია ელექტროენერგიის მასშტაბური გათიშვა საქართველოში – სახელმწიფო ელექტროსისტემის განცხადება

საქართველოს სახელმწიფო ენერგოსისტემაში დედაქალაქისა და რეგიონების ნაწილისთვის ელექტრომომარაგების შეწყვეტის მიზეზებს განმარტავენ.

როგორც ელექტროსისტემის განცხადებაშია აღნიშნული, ელექტროენერგიის შეწყვეტა ელექტროგადამცემი ხაზი „იმერეთისა“ და „ენგურჰესის“ გათიშვამ გამოიწვია.

„დღეს, 14 ივნისს, 14:00 საათზე ავარიულად გამოირთო 500 კვ-იანი ელექტროგადამცემი ხაზი „იმერეთი“ და ჰიდროელექტროსადგური „ენგურჰესი“, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს. მიმდინარეობს ავარიის ლიკვიდაციის სამუშაოები.

„საქართველოს სახელმწიფო ელექტროსისტემა“ ბოდიშს უხდის მომხმარებელს აღნიშნული შეფერხების გამო“, – ნათქვამია განცხადებაში.