ოზურგეთის მუნიციპალიტეტის მერობის დამოუკიდებელი კანდიდატის კონსტანტინე შარაშენიძის და გურიანთა-სოფელ ოზურგეთი – მელექედურის მაჟორიტარობის დამოუკიდებელი კანდიდატის დათა მიქელაშვილის მხარდამჭერი, სოფელ გურიანთაში მცხოვრები ნონა გოგოლაური აცხადებს, რომ მისი პოლიტიკური არჩევანის გამო სამთავრობო კანდიდატების მხარდამჭერების მხრიდან მასზე ზეწოლის მცდელობა იყო. უფრო კონკრეტულად ის მაჟორიტარობის კანდიდატის ნინო მახარაძის მხარდამჭერებზე საუბრობს და აღნიშნავს, რომ უცნობი ადამიანები ”კარდაკარ”-ის კამპანიის დროს უკან დაყვებოდნენ და უთვალთვალებდნენ:
”მე შევამჩნიე, რომ რამდენიმე ადამიანი დადიოდა მანქანით და გვათვალიერებდა, თუ რას ვაკეთებდით. ბევრ უბანზე ვიყავი და სხვადასხვა მანქანა იყო. ხომ მიხვდები, მანქანა თავისი გზით მიდის თუ შენ გითვალთვალებს?! ერთ-ერთი მანქანა გაჩერდა და რეპლიკა გვესროლა, ბიჭებო მუშაობთ, არა, მუშაობთო? საკმაოდ აგრესიულად იყვნენ განწყობილები. ესენი იყვნენ ჩვენი სოფლის წარმომადგენლები, რომლებიც მხარს უჭერენ ”ქართული ოცნების” კანდიდატს ნინო მახარაძეს. ” – აცხადებს ნონა გოგოლაური.
აღნიშნულთან დაკავშირებით დღეს ფეისბუქ-პოსტი გამოაქვეყნა ნონა გოგოლაურის შვილმა ნათელა ღლონტმაც:
”გამარჯობა
ახლა ისეთი გაგიჟებული ვარ, ვერ ავღწერ.ჩემი ოჯახი არ გახლავთ ამ მთავრობის მოყვარული, შესაბამისად ნათლად გამოხატავს ამ ყველაფერსდედა და მამა ოზურგეთში, სოფელ გურიანთაში ცხოვრობ სადაც ყოვლად ამორალური ამბები ტრიალებს ქართული ოცნება / Georgian სწორედ ამ გულისამრევი მთავრობის მეთაურიბით,ოჯახებს აშინებს ეგრეთწოდებული “ შავი სამყარო”,თითქმის მთელი სოფელი ამ დღეშია,ფულის დარიგებებზე აღარ ვისაუბრებ.ჩემს ოჯახამდეც მოვიდნენ,ცოტა სხვა ფორმებით,ვითხოვ ყველაფრის გაშუქებას და შესაბამისი პირების დასჯას შინაგან საქმეთა სამინისტრო / Ministry of Internal Affairs of Georgia ოდესმე მაინც გააკეთეთ თქვენი საქმე და გადააშწნეთ ეს ქუჩური მენტალუტეტი,ხომ შეიძლება?შემეხმიანეთ მთავარი არხი • Mtavari ArkhiTV Pirveli • ტელეკომპანია
გთხოვთ გამივრცელოთ!” – წერს ნათელა ღლონტი.
Loading ...
