ცესკოს თავმჯდომარე თამარ ჟვანია ამბობს, რომ თუ რომელიმე შედეგი სწორად არ იქნება დათვლილი და ამას არ მოჰყვება შესაბამისი რეაგირება, ის გადადგება. ასე პასუხობს რუსთავი 2-ის ეთერში თამარ ჟვანია კითხვას, თუ რა შემთხვევაში დატოვებს ის თანამდებობას.
გთავაზობთ სრულ პასუხს:
“თამარ ჟვანია იმ შემთხვევაში მიიღებს ისეთ გადაწყვეტილებას [გადადგება], რომელზეც საუბრობთ, თუ რომელიმე შედეგი არ იქნება სწორად დათვლილი და თუ რომელიმე შედეგზე არ მოხდება ისეთი რეაგირება, როგორიც საჭიროა, მე ამას სრული პასუხისმგებლობით გეუბნებით. ამას ვამბობ იმიტომ, რომ დღეს ჩვენ ვაკეთებთ ყველაფერს იმისთვის, რომ ხალხის ნება იყოს ზუსტად, აკურატულად გადმოცემული, რაც წლების განმავლობაში ასე ხდებოდა, რაც აღიარებულია საერთაშორისო დამკვირვებლების მიერ, აღიარებულია პარალელური დათვლის შედეგებით.
ამიტომ, როდესაც პოლიტიკური მიზნებისთვის, ვინმე შედეგების ნადვილობის საკითხს აყენებს, ეს არასწორია. აიღონ ყველამ ოქმები, ყველასთვის ხელმისავდომია და თითოეულ მოქალაქეს შეუძლია დათვალოს ის, ცესკო გამოაქვეყნებს. თუ რომელიმე არასწორი იქნება, შემდეგ ვისაუბროთ დანარჩენზე”. – ამბობ ცესკოს თავჯდომარე.
ცნობისთვის, ოპოზიციური პარტიები არჩევნების სედეგებს ლეგიტიმურად არ ცნობენ და ახალი საარჩევნო ადმინისტრაციის პირობებში ხელახლა ჩატარებას ითხოვენ.
Loading ...