რა შეზღუდვები გავრცელდება ოზურგეთში მოქმედ რესტორნებზე

შეხვედრაზე იმსჯელეს იმ შეზღუდვების შესახებ, რომლებიც მთავრობის უწყებათაშორისი საკოორდინაციო საბჭოს გადაწყვეტილებით იქნა მიღებული. კერძოდ, შეზღუდვა ეხება 10-ზე მეტი ფიზიკური პირის ისეთ თავშეყრას, რომელიც დაკავშირებულია საზოგადოებაში დამკვიდრებულ სოციალურ (მაგ.: ქორწილი, ნებისმიერი იუბილე, ქელეხი და ა.შ.), მათ შორის, მასობრივ გასართობ ღონისძიებასთან და შესაბამისად, იკრძალება ამ მიზნით ფართის გაქირავება; 1 მაგიდასთან არ შეიძლება 6-ზე მეტი მომხმარებლის განთავსება. (დამატებით, გამონაკლისის სახით შესაძლებელია 12 წლამდე მოზარდის ერთ მაგიდასთან განთავსება); შეხვედრაზე ხაზი გაესვა ჯანდაცვის სამინისტროს მიერ გაცემული რეკომენდაციების დაცვის აუცილებლობას.