ოზურგეთის მუნიციპალიტეტის სოფელ შემოქმედში 13 იანვარს კალანდა აღინიშნება.
საკალანდოდ დაგეგმილი ღონისძიებების შესახებ განცხადებას ოზურგეთის მუნიციპალიტეტის მერია აქვეყნებს.
“ძვირფასო თანამოქალაქეებო და ძვირფასო სტუმრებო, 13 იანვარს 17:00 საათზე, ოზურგეთის მუნიციპალიტეტის მერია გიწვევთ სოფელ შემოქმედში მდებარე ეთნოგრაფიულ სივრცეში – ერთად აღვნიშნოთ კალანდა!
17:00 – 20:00 საათი – ადგილობრივი მეწარმეების ნაწარმის გამოფენა-გაყიდვა, ოზურგეთის მუნიციპალიტეტში არსებული ქორეოგრაფიული და ფოლკლორული ანსამბლების კონცერტი, თეატრალიზებული პერფორმანსები, გურული კერძების კულინარიული მასტერკლასი, ტრადიციული საკალანდო რიტუალების გაცოცხლება – აგუნა, ჩიჩილაკის დამზადება, ჭურის მოხდა და სხვა. 20:00 საათი – კონცერტი ჯგუფი “მიქსტურას,” მარიამ შენგელიას და “თეატრალურის კვარტეტის” მონაწილეობით.
ოზურგეთის მუნიციპალიტეტის მერია გილოცავთ დამდეგ კალანდას!”
-ნათქვამია ოზურგეთის მუნიციპალიტეტის მერიის განცხადებაში.
Loading ...