რა ჯდება სხვადასხვა სახის ცნობის დამზადება საქართველოში? ამის შესახებ დეტალურ ინფორმაციას შინაგან საქმეთა სამინისტროს მომსახურების სააგენტოს ვებ. გვერდზე ნახავთ.
დოკუმენტის ღირებულება მისი ხასიათის მიხედვით ასე გამოიყურება:
ნასამართლეობის შესახებ ცნობა – ცნობაში აისახება ინფორმაცია ფიზიკური პირის ნასამართლობისა და ძებნის შესახებ.
- 3 სამუშაო დღეში ცნობის გაცემის საფასური: 20 ლარი;
- 1 სამუშაო დღეში: 40 ლარი;
უფლების ჩამორთმევის შესახებ ცნობა – აისახება შინაგან საქმეთა სამინისტროს საინფორმაციო-ანალიტიკურ დეპარტამენტში რეგისტრირებული/აღრიცხული მონაცემების საფუძველზე ინფორმაცია, მონაცემთა სუბიექტის „ნარკოტიკული დანაშაულის წინააღმდეგ ბრძოლის შესახებ“ საქართველოს კანონის ან/და „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონის საფუძველზე უფლების ჩამორთმევის შესახებ.
- 3 სამუშაო დღეში ცნობის გაცემის საფასური: 20 ლარი;
- 1 სამუშაო დღეში: 40 ლარი;
სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ ცნობა – ცნობაში აისახება საქართველოს შინაგან საქმეთა სამინისტროს მონაცემთა ბაზაში ასახული/აღრიცხული ინფორმაცია, მონაცემთა სუბიექტის „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ, მიუხედავად ნასამართლობის მოხსნის ან გაქარწყლებისა.
- 3 სამუშაო დღეში ცნობის გაცემის საფასური: 30 ლარი;
- 1 სამუშაო დღეში: 50 ლარი;
პირის მსჯავრდების შესახებ ცნობა – მსჯავრდების შესახებ ცნობაში აისახება ინფორმაცია ფიზიკური პირი რომელ წლებში და რა მუხლით იყო გასამართლებული, იმისდა მიუხედავად ნასამართლობა გაქარწყლებულია თუ მოხსნილი.
- 3 სამუშაო დღეში ცნობის გაცემის საფასური: 20 ლარი;
- 1 სამუშაო დღეში: 40 ლარი;
გაქარწყლებული ან/და მოხსნილი ნასამართლობის შესახებ ცნობა – აისახება ინფორმაცია პირის გაქარწყლებული ან მოხსნილი ნასამართლობის შესახებ.
3 სამუშაო დღეში ცნობის გაცემის საფასური: 30 ლარი;
1 სამუშაო დღეში: 50 ლარი.
Loading ...