გურიაში უამინდობა შეწყდა. მუნიციპალური ტექნიკა ცენტრალურ გზებს წუხელ მთელი ღამის მანძილზე წმენდდა. თუმცა მოძრაობის პრობლემები კვლავ რჩება არაერთი სოფლის შიდა გზებზე.
რაც შეეხება ელექტროენერგიას, კომპანია “ელექტრო პრო ჯორჯიას” ტექნიკური ჯგუფები დაზიანებულ ლოკაციებზე მუშაობენ. დღის ბოლოსათვის რეგიონის რიგი სოფლები ელექტრომომარაგების გარეშე იყო დარჩენილი.
ოზურგეთის მერიის მიერ გავრცელებული ინფორმაციით, მუნიციპალიტეტში მთავარი გზები ამ მომენტისთვის დამატებით გაწმენდილია შემდეგ ადმინისტრაციულ ერთეულებში:
დვაბზუ – გაღმა დვაბზუ, დვაბზუს – ნასაკირალი, დაბა ნასაკირალი, ძიმითი, ლიხაური, მაკვანეთი.
ნაწილობრივ გაიწმინდა ასკანა, მერია, თხინვალი, ნატანები და ბახვი
ამ წუთებში იწმინდება: მაკვანეთი – გოგიეთი, ცხემლისხიდი, ნაგომარი, ჭანიეთი, მშვიდობაური, მელექედური.
ელექტროენერგიის მიწოდება აღდგენილია: ძიმითი ნაწილობრივ.
მობილიზებულია დამატებითი ტექნიკური ბრიგადები და “ენერგო პრო ჯორჯიას” თანამშრომლები ცალკეულ უბნებზე ელექტროენერგიის აღსადგენად ინტენსიურად მუშაობენ. თოვლის წმენდის პროცესში ჩართულია 20 ერთეული ტექნიკა.
კომენტარები
Loading ...
