რა პრობლემები შექმნა დიდთოვლობამ აკეთის თემში?

ინტენსიური თოვის გამო პრობლემები შეექმნა აკეთის თემის მოსახლეობას. თემის 4 სოფელს ამ დრომდე არ მიეწოდება ელექტროენერგია. როგორც ადგილობრივები აცხადებენ, გადაუღებელმა თოვამ სოფელში შექმნა ელექტროენერგიის მიწოდებისა და გზის გაწმენდის პრობლემა. “გურია TV” ესაუბრა აცანა-აკეთი-მამათის მაჟორიტარ დეპუტატს ემზარ თევდორაძეს, რომელმაც აღნიშნა, რომ სოფლებში მიმდინარეობს გზის გაწმენდის სამუშაოები ინტენსიურ რეჟიმში, რაც შეეხება აკეთს მისი თქმით, გამოგზავნილია შესაბამისი ტექნიკა რათა გაიწმინდოს გზა. შესაბამისი ჯგუფები კი დილიდან მუშაობენ რათა აღდგეს ელექტროენერგიის მიწოდება სოფლებში. აღნიშნულ ადმინისტრაციულ ერთეულში თოვლის საფარის სიმაღლე ნახევარ მეტრს აღწევს.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა გიორგი მორჩილაძემ  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.