მერაბ დვალიშვილი UFC-ის სუპერმსუბუქი წონის ახალი ჩემპიონია. ქართველმა მებრძოლმა მოქმედი ჩემპიონი, შონ ო’მალი ყველა რაუნდში სრული დომინირებით გაანადგურა.
დვალიშვილი UFC 306-ზე, გამარჯვებისთვის საბაზისო ანაზღაურების სახით მინიმუმ 300 000 დოლარს მიიღებს. ასევე, მედიის მოლოდინით, რომ ჩემპიონი სახლში დაახლოებით $600,000-დან $700,000-მდე წაიღებს PPV (Pay-Per-View, პირადი სპონსორები და ა.შ.) აქციების ჩათვლით.
გაცილებით მეტი, 3 მლნ აშშ დოლარამდე იქნება კონკურენტის, დამარცხებული შონ ო’მალის სპონსორებისაგან მიღებული ანაზღაურება.
მიუხედავად თანხაში დიდი განსხვავებისა, მთავარი მონაგარი, ქამარი და შესაბამისად ზემსუბუქი წონის გვირგვინი ახლა ქართველის ამუნიციაა და მისი დაცვის ღირებულებაც დროსთან ერთად გაიზრდება.
გავრცელებული ინფორმაციით, ეს UFC 306-ის ყველაზე ძვირად ღირებული ბრძოლა იყო. UFC-მ 20 მილიონი დოლარი დახარჯა შესაბამისი სცენისა და ეკრანის მოსაწყობად, რაც ჩვეულებრივ საჩემპიონო ბრძოლების საორგანიზაციო თანხაზე 10-ჯერ მეტია.
სფეროს ყველაზე დიდი სპორტული ღონისძიება, სპორტსმენების პაემანი უკვდავებასთან, მონარქისა და ასპირანტის ბრძოლა – ასეთი იყო ამერიკული სპორტული მედიის შეფასებები სატიტულო ბრძოლის წინ.
უნდა აღინიშნოს, რომ სატიტულო ბრძოლისკენ მიმავალ გზაზე 18 თებერვალს, მერაბ დვალიშვილმა, სეხუდოს დამარცხებისთვის 210 000 დოლარი მიიღო.
Loading ...