მთავრობამ 6 წელზე მეტი ასაკის ავტოიმპორტის აკრძალვის გადაწყვეტილება შეცვალა. ამის შესახებ ირაკლი კობახიძემ მთავრობის სხდომაზე განაცხადა. არსებული მდგომარეობით, 6 წელზე მეტი ხნის წინ გამოშვებული ავტომობილების იმპორტისას მათი განბაჟებისთვის ძრავის თითოეული კუბური სანტიმეტრი 0.8 ლარის აქციზით იბეგრება, დღეს წარდგენილი ცვლილებით კი ტარიფი 4.5 ლარი გახდება, რაც აქციზის 5.6-ჯერ გაზრდას ნიშნავს.
“ჩვენ შემოვიღეთ ახალი რეგულაციები 6 წელზე მეტი წლოვანების ავტომობილების შემოყვანასთან დაკავშირებით, გარკვეული კორექტირებები გვინდა შემოვიღოთ. შემოყვანის აკრძალვის ნაცვლად, შესაბამის ავტომობილებზე დაწესდება განბაჟების 4.5 ლარიანი ტარიფი კუბზე, შესაბამისად შემოყვანის აკრძალვა გაზრდილი აქციზით ჩანაცვლდება”, – განაცხადა კობახიძემ.
ეს ნიშნავს რომ ყველაზე პოპულარული 1.5 ლიტრის მოცულობის ავტომობილის განბაჟება, თუკი ის 6 წელზე მეტი ხნის წინ არის წარმოებული 1,200 ლარიდან 6.75 ათას ლარამდე იზრდება. 2-ლიტრიანი მოცულობის ძრავისთვის კი მოსაკრებელი 1,600 ლარიდან 9 ათას ლარამდე იზრდება.
ყველაზე პოპულარული მოდელებისთვის განბაჟების აქციზის საფასური ასე შეიცვლება 6 წელზე ძველი ავტომობილების იმპორტის შემთხვევაში
- Ford Fusion: ძრავის მოცულობა იწყება 1.6 ლიტრიდან — აქციზი იზრდება 1.28 ათასი ლარიდან 7.2 ათას ლარამდე ($2.6 ათასი).
- Toyota Camry: ძრავის მოცულობა 2.5 ლიტრი — აქციზი იზრდება 2 ათასი ლარიდან 11.25 ათას ლარამდე ($4.1 ათასი).
- Volkswagen Jetta: ძრავის მოცულობა იწყება 1.5 ლიტრიდან — აქციზი იზრდება 1.2 ათასი ლარიდან 6.75 ათას ლარამდე ($2.5 ათასამდე).
- Subaru Forester: ძრავის მოცულობა 2.5 ლიტრი — აქციზი იზრდება 2 ათასი ლარიდან 11.25 ათას ლარამდე ($4.1 ათასი).
- Ford Fusion Hybrid: ძრავის მოცულობა იწყება 2 ლიტრიდან — აქციზი იზრდება 1.6 ათასი ლარიდან 9 ათას ლარამდე ($3.3 ათასი).
არსებული მდგომარეობით ავტომობილის განბაჟების აქციზის გადასახადი ასე ნაწილდებოდა – ის 6 წელზე უფროსი ავტომობილებისთვის კუბურ მეტრზე 4.5 ლარით იცვლება.
www.bm.ge
Loading ...