ბევრისთვის წიგნების კითხვა დასვენებასა და განათლებასთან ასოცირდება, თუმცა მას ჯანმრთელობაზე გაცილებით მნიშვნელოვანი და მრავალმხრივი გავლენა აქვს.
კითხვის პროცესში გონება ერთდროულად მუშაობს და ისვენებს. ტექსტთან კონტაქტისას ადამიანი დროებით გამოდის ყოველდღიური ცხოვრების აჩქარებული ტემპიდან და ყურადღებას ერთ კონკრეტულ მიმართულებაზე ამახვილებს.
კითხვის დროს ტვინი აქტიურ მუშაობას იწყებს. ხდება ინფორმაციის აღქმა, გაანალიზება და დამუშავება. ეს პროცესი ხელს უწყობს მეხსიერებისა და ყურადღების კონცენტრაციის განვითარებას. რეგულარული კითხვა გონებრივ სიმახვილეს ყველა ასაკში ინარჩუნებს და ხელს უშლის კოგნიტური უნარების დაქვეითებას.
ხანდაზმულ ასაკში კითხვა განსაკუთრებით მნიშვნელოვანია. რეგულარული კითხვის პრაქტიკა არა მხოლოდ გონების აქტივობას ინარჩუნებს, არამედ ამცირებს დემენციისა და ალცჰაიმერის განვითარების რისკს. კითხვა ამ ასაკში ერთგვარ გონებრივ სტიმულაციას წარმოადგენს,რომელიც ტვინს აქტიურ მდგომარეობაში ტოვებს.
პატარა ასაკში კითხვის ჩვევა საფუძველს უყრის წარმოსახვის განვითარებას, სწავლის სიყვარულსა და დამოუკიდებელ აზროვნებას.
კითხვის პროცესი მნიშვნელოვნად ზრდის გონებრივ უნარებს. იგი აუმჯობესებს კრიტიკულ აზროვნებას, მეტყველების კულტურასა და კომუნიკაციის ხარისხს. ადამიანები, რომლებიც რეგულარულად კითხულობენ, უფრო ინფორმირებულები არიან, უკეთ ესმით არგუმენტები და მარტივად აანალიზებენ სიტუაციებს.
Loading ...