მსოფლიოში საკვების ფასებმა ბოლო 10 წლის მანძილზე რეკორდულ ნიშნულს მიაღწია, მხოლოდ ბოლო ერთი წლის მანძილზე კი ფასები საშუალოდ 30%-ით გაიზარდა. აღნიშნულის შესახებ ინფორმაციას გაეროს სურსათისა და სოფლის მეურნეობის ორგანზიაცია – FAO ავრცელებს.
ამასთან, ოქტომბერში მსოფლიოს მასშტაბით საკვებ პროდუქტებზე ფასი 3%-ით გაიზარდა სექტემებრთან შედარებით, რაც მაქსიმალური ზრდის მაჩვენებელია 2011 წლის ივლისის შემდეგ.
სააგენტოს ცნობით, ფასებმა განსაკუთრებით მარცვლეულსა და მცენარეულ ზეთზე მოიმატა. ანგარიშის მიხედვით, ფასების ზრდა ძირითადად კორონავირუსის პანდემიამ, მიწოდების შეფერხებამ, ქარხნების დახურვამ და პოლიტიკურმა დაძაბულობამ გამოიწვია.
რაც შეეხება საქართველოს, გთავაზობთ იმ 5 საკვებ პროდუქტს, რაზეც ოქტომბერში წლიურად ფასები ყველაზე მეტად არის გაზრდილი:
- ბადრიჯანი – 128,13%-ით;
- პომიდორი – 117,25%-ით;
- კომბოსტო – 89,29%-ით;
- ჭარხალი – 56,22%-ით;
- მზესუმზირის ზეთი- 52,35%-ით.
www.bpn.ge
Loading ...
