უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა იმ ქვეყნების ლიდერები დაასახელა, რომლებსაც რუსეთის პრეზიდენტი, ვლადიმერ პუტინი თავის მეგობრებად მიიჩნევს.
„პუტინს ჰყავს 4 მეგობარი, მხოლოდ 4 მეგობარი“, – აღნიშნა პოდოლიაკმა.
პოდოლიაკის თქმით, ესენია: ბელორუსის თვითგამოცხადებული პრეზიდენტი, ალექსანდრე ლუკაშენკო; სირიის დიქტატორი ბაშარ ალ-ასადი; ჩრდილოეთ კორეის ლიდერი კიმ ჩენ ინი; ირანის პრეზიდენტი – რაისი.
როგორც პოდოლიაკმა აღნიშნა, ირანი ერთადერთი ქვეყანაა, რომელიც გულწრფელად უჭერს მხარს რუსეთს, რადგან უყვარს ხალხის მკვლელობა და უყვარს იარაღის მიცემა, რათა მაქსიმალურად გაანადგუროს მშვიდობიანი მოსახლეობა.
„ირანი ამას დღეს საკუთარ ქვეყანაში აკეთებს – რაც შეიძლება სასტიკად კლავს თავის მშვიდობიან მოსახლეობას. ამიტომ ირანი აბსოლუტურად არ ზრუნავს უკრაინელებზე. ირანისთვის კარგია, რომ დღეს რუსეთი ასეთ უცნაურ მდგომარეობაშია“, – განმარტა პოდოლიაკმა.
ის, ასევე, დარწმუნებულია, რომ პუტინის მეგობრებს შორის „ჩინეთი ნამდვილად არ იქნება“.
„ჩინეთი, ისევე როგორც შეერთებული შტატები, არასდროს დებს ფსონს აუტსაიდერ ქვეყნებზე ან ადამიანებზე, რომლებმაც წააგეს. უბრალოდ, პუტინს, ინტელექტუალური შეზღუდვების გამო არ ესმის, რომ მან უკვე წააგო სტრატეგიულად, იდეოლოგიურად და ტაქტიკურად ბრძოლის ველზე“, – განაცხადა პოდოლიაკმა.
Loading ...
