უკრაინის პრეზიდენტ ვოლოდიმირ ზელენსკისთან საუბრის დასრულების შემდეგ G7-ის ლიდერებმა განაცხადეს, რომ უკრაინაში შეჭრის გამო რუს დიქტატორს ვლადიმერ პუტინს პასუხს აგებინებენ.
„არ შეიძლება დაუსჯელი დარჩეს უკრაინაში რუსეთის ქმედება. პრეზიდენტ პუტინს საერთაშორისო სამართლის შესაბამისად პასუხს ვაგებინებთ. ჩვენ კიდევ ერთხელ ვაცხადებთ, რომ რუსეთის უპასუხისმგებლო ბირთვული რიტორიკა მიუღებელია და ქიმიური, ბიოლოგიური ან ბირთვული იარაღის ნებისმიერი გამოყენება სერიოზულ შედეგებს გამოიწვევს“, – აცხადებენ დიდი შვიდეულის ლიდერები.
სახელმწიფოს მეთაურებმა უკრაინას სრული მხარდაჭერა კიდევ ერთხელ გამოუცხადეს.
„რუსეთის აგრესიული ომი უნდა დასრულდეს. დღემდე, ჩვენ არ გვინახავს არანაირი მტკიცებულება იმისა, რომ რუსეთი მდგრადი სამშვიდობო ძალისხმევის ერთგულია“, – განაცხადა G7-ის ლიდერებმა.
Loading ...