ვლადიმერ პუტინმა ხელი მოაწერა კანონს, რომელიც აკრძალავს რეკლამების გავრცელებას უცხოური ორგანიზაციების რესურსებზე, რომელთა საქმიანობა რუსეთში აღიარებულია, როგორც „არასასურველი“ ან „ექსტრემისტული“.
ასევე აკრძალულია რეკლამის განთავსება იმ ორგანიზაციების ვებ-გვერდებზე, რომელთა მიმართ სასამართლომ მიიღო გადაწყვეტილება მათი ლიკვიდაციის ან აკრძალვის შესახებ, აგრეთვე „რესურსებზე, რომლებზეც წვდომა შეზღუდულია კანონის შესაბამისად“.
კანონი ოფიციალურ იურიდიულ საინფორმაციო პორტალზე გამოქვეყნდა. ის ძალაში 1 სექტემბრიდან შევა.
ახალი კანონით რეკლამის აკრძალვა ფეისბუკსა და ინსტაგრამს შეეხება. რუსეთში ორივე სოციალური ქსელი დაბლოკილია. ისინი ეკუთვნის კომპანია მეტას, რომელიც მოსკოვის სასამართლომ 2022 წელს „ექსტრემისტულ ორგანიზაციად“ გამოაცხადა
რუსეთის ფედერაციის გენერალურმა პროკურატურამ მეტას „ექსტრემისტად“ აღიარება მოითხოვა. დეპარტამენტმა ეს იმით ახსნა, რომ “მეტამ” ზოგიერთ ქვეყანაში შეწყვიტა სოციალურ ქსელებში გამოთქმული მუქარისა და მოწოდებების წაშლა რუსი სამხედროების მიმართ ძალადობისკენ, ასევე ვლადიმერ პუტინისა და ალექსანდრე ლუკაშენკოს სიკვდილის სურვილები.
Loading ...