პუტინისა და ბაიდენის შეხვედრა – უკრაინასთან მიმართებაში ესკალაციის შემთხვევაში აშშ პარტნიორებთან ერთად მკაცრ ზომებს მიიღებს

თეთრი სახლი აშშ-ის პრეზიდენტის ჯო ბაიდენისა და რუსეთის პრეზიდენტის ვლადიმერ პუტინის ვიდეო კონფერენციის შესახებ განცხადებას ავრცელებს.

ორი ქვეყნის პრეზიდენტმა დახურული ვიდეოზარის ფორმატში ორი საათის განმავლობაში ისაუბრეს.

“ჯო ბაიდენმა გამოთქვა, შეერთებული შტატების და ევროპელი მოკავშირეების ღრმა შეშფოთება უკრაინის გარშემო რუსეთის ძალების ესკალაციის გამო და ნათლად განაცხადა, რომ აშშ და მისი პარტნიორები უპასუხებენ ძლიერი ეკონომიკური და სხვა ზომებით სამხედრო ესკალაციის შემთხვევაში, – ნათქვამია თეთრი სახლის განცხდებაში.

თეთრი სახლს ინფორმაციით, ბაიდენმა ასევე „გაიმეორა მხარდაჭერა უკრაინის სუვერენიტეტისა და ტერიტორიული მთლიანობისადმი და მოუწოდა რუსეთს დეესკალაციისკენ და დიპლომატიისკენ“.

გარდა ამისა თეთრი სახლის ცნობით,ბაიდენმა და პუტინმა ასევე განიხილეს სტრატეგიული სტაბილურობა და ასევე ისაუბრეს ირანის თაობაზე.