პროკურატურამ დამნაშავედ ცნო პირი, რომელმაც მიმდინარე წლის 12 იანვარს, ვაშლიჯვრის დასახლებაში სექსუალური შეუწყნარებლობის მოტივით დაზარალებულ პირს ბლაგვი საგნის გამოყენებით დაზიანებები მიაყენა, ხოლო შემდეგ შენობის მერვე სართულიდან გადააგდო და ცეცხლი წაუკიდა.
ცნობისთვის, მომხდარზე შსს-ს თანამშრომლებმა ბრალდებული მიმდინარე წლის 24 იანვარს დააკავეს.
აღნიშნულ საქმეზე გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით (განზრახ მკვლელობა, ჩადენილი განსაკუთრებული სისასტიკით) მიმდინარეობდა, ხოლო ბრალდებულს სასჯელის სახედ და ზომად 18 წლამდე თავისუფლების აღკვეთა განესაზღვრა.
“თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და თბილისში, განსაკუთრებული სისასტიკით ჩადენილი განზრახ მკვლელობისათვის ბრალდებული დამნაშავედ ცნო.
სასამართლო პროცესზე გამოკვლეული მტკიცებულებებით დადასტურდა, რომ მიმდინარე წლის 12 იანვარს, თბილისში, ვაშლიჯვრის დასახლებაში არსებულ მშენებარე კორპუსის მერვე სართულზე ბრალდებულმა, სექსუალური შეუწყნარებლობის მოტივით, დაზიანებები მიაყენა დაზარალებულს, შემდეგ მერვე სართულიდან გადააგდო ეზოში და ლიფტის შახტში დაწვა.
სამართალდამცველებმა ბრალდებული 22 იანვარს დააკავეს – მას ბრალდება საქართველოს სისხლის სამართლის კოდექსის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა.
თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 18 თავისუფლების აღკვეთა განუსაზღვრა”. – წერია პროკურატურის განცხადებაში
Loading ...