პოლონეთში ქართველი კაცი მანქანით ღამის კლუბში შევარდა

პოლონური მედიის ინფორმაციით, საქართველოს 25 წლის მოქალაქე დისკოთეკაზე ქალებს ავიწროებდა, რის გამოც დაცვის სამსახურმა მას კლუბის ტერიტორია დაატოვებინა. ამის შესახებ ადგილობრივი მედია წერს.

ნასვამ მდგომარეობაში მყოფი ქართველი შურისძიების მიზნით მეგობრის „მერსედესის“ ავტომობილით ჯერ კლუბის კარს შეეჯახა, შემდეგ კი დისკოთეკაზე ფანჯრიდან მანქანით შევარდა. მამაკაცი დაკავებულია. ზარალი 50 000 პოლონურ ზლოტს აღწევს.