პოლონეთის პრემიერის განცხადებით, პოლონეთმა უკრაინას ტანკები გაუგზავნა

პოლონეთმა განაცხადა, რომ უკრაინას ტანკები გაუგზავნა. იტყობინება Reuters-ი პოლონეთის პრემიერ – მინისტრ მატეუშ მორავიეცკიზე დაყრდნობით.

კითხვაზე, გაგზავნა თუ არა პოლონეთმა ტანკები უკრაინაში, მორავიეცკიმ უპასუხა: “დიახ”, თუმცა მან უარი თქვა დამატებით დეტალებზე საუბარზე, ასევე მას არ დაუკონკრეტებია ტანკების რაოდენობა.

ასევე მორავიეცკიმ უპასუხა კითხვას, განიხილება თუ არა უკრაინაში თვითმფრინავების გაგზავნა და აღნიშნა, რომ ”ასეთი აუცილებლობა არ არსებობს, არ არსებობს ასეთი მოთხოვნები”.

შეგახსენებთ, გასულ თვეში პოლონეთმა განაცხადა, რომ მზად იყო ყველა თავისი MiG-29 თვითმფრინავი გაეგზავნა გერმანიის “რამშტეინის ავიაბაზაზე”, აშშ-ს განკარგულებაში გადასაცემად, მაგრამ ეს შეთავაზება ამერიკელმა ოფიციალურმა პირებმა უარყვეს.