YouTube-ს თამაშები დაემატა. მომხმარებლებს, რომლებიც პლატფორმის ფასიანი ვერსიით სარგებლობენ, ამიერიდან ონლაინთამაშებზე ექნებათ წვდომა. ისინი პირდაპირ YouTube-ის მობილურ აპლიკაციაში ანდა დესკტოპის ვერსიაზე ჩაირთვება.
თამაშების ფუნქცია, სახელად Playables, კომპანიამ ჯერ საცდელად გამოუშვა სექტემბერში. მასზე წვდომა მხოლოდ მომხმარებელთა ნაწილს ჰქონდა.
ფუნქცია ჯამში 37 მინითამაშს მოიცავს. მათ შორისაა: Angry Birds Showdown, Brain Out, Daily Solitaire, The Daily Crossword და სხვა. ისინი YouTube-შივე ირთვება, ანუ მათი გადმოწერა საჭირო არაა.
თამაშები 2024 წლის 28 მარტამდე იქნება ხელმისაწვდომი. ამ დროისთვის მათი ხილვა Explore ჩანართის Playables სექციაშია ხელმისაწვდომი.
კომენტარები
Loading ...