პენტაგონი – ჰაუბიცების ნახევარზე მეტი, რომელიც აშშ-მა უკრაინისთვის გამოყო, უკვე ქვეყანაშია შეტანილი

პენტაგონის პრესსპიკერის ჯონ კირბის განცხადებით შორი მოქმედების 90 ჰაუბიცის რაოდენობის ნახევარი, რომელიც აშშ-მა უკრაინისთვის გამოყო, უკვე შეტანილია ქვეყანაში და უკრაინელი სამხედროები მის მართვას ეუფლებიან. ამის თაობაზე კირბიმ მედიისთვის გამართულ ბრიფინგზე განაცხადა.

„დღეს სრული რაოდენობის დასახელების გარეშე გეტყვით, რომ, ამ ჰაუბიცების ნახევარი უკვე უკრაინაშია“,- განაცხადა კირბიმ.

50 უკრაინელი სამხედრო ფლობს ჰაუბიცების მართვის ცოდნას, „ისინი დაბრუნდებიან უკრაინაში“ და გაწვრთნიან კოლეგებს, განაცხადა კირბიმ.

აშშ-ის პრეზიდენტმა ჯო ბაიდენმა რამდენიმე კვირის წინ დაამტკიცა უკრაინისთვის იარაღისა და საბრძოლო მასალის დამატებითი პარტიის გამოყოფის გეგმა. მათ შორის ესენია: 11 ერთეული Mi-17 ვერტმფრენი, 18 ერთეული 155 მმ-იანი ჰაუბიცა და 300-ზე მეტი Switchblade-ის კლასის უპილოტო თვითმფრინავი.