ხუთშაბათს პენტაგონმა დაადასტურა, რომ უკვე უკრანაშია კასეტური საბრძოლო მასალები. იმავე შინაარსის განცხადება 13 ივლისს უკრაინელმა გენერალმაც გააკეთა და CNN-ს უთხრა, რომ აღნიშნული იარაღი, ჯერ არ გამოუყენებიათ.
მისივე თქმით, უკრაინას მკაცრად აქვს შეზღუდული ის ტერიტორიები, სადაც ამ იარაღს გამოიყენებენ. როგორც გენერალი განმარტავს, კასეტური საბრძოლო მასალის გამოყენება არ მოხდება არცერთ მჭიდროდ დასახლებულ ტერიტორიაზე, მათ შორის არც რუსეთის მიერ კონტროლირებად რეგიონებზე.
“ჩვენ ახლახან მივიღეთ ისინი, ჯერ არ გამოგვიყენებია, მაგრამ მას შეუძლია რადიკალურად შეცვალოს [სიტუაცია ბრძოლის ველზე]” – თქვა ოლექსანდრ ტარნავსკიმ.
კასეტური საბრძოლო მასალის გამოყენება აკრძალულია 100-ზე მეტ ქვეყანაში. ამერიკა, უკრაინა და რუსეთი ამ კონვენციის ხელმომწერები არ არიან.
აშშ-ის თავდაცვის მდივანმა ლოიდ ოსტინმა CNN-ის ვოლფ ბლიცერს ხუთშაბათს განუცხადა, რომ უკრაინელები კასეტურ საბრძოლო მასალას მხოლოდ “შესაბამის ადგილებში” გამოიყენებენ.
Loading ...
