რამდენიმე წუთის წინ თბილისში, ოპერის შენობასთან დასრულდა „პატრიოტთა ალიანსის“ საპროტესტო აქცია, რომელმაც სტარტი რესპუბლიკის მოედნიდან აიღო და რომლის მოთხოვნაც იყო „ქართული ოცნების“ ჩამოშორება ხელისუფლებიდან.
როგორც ალიანსის ერთ-ერთმა ლიდერმა, დავით თარხან-მოურავმა განაცხადა, მათი ძირითადი მოთხოვნით და ასევე, პროპორციული არჩევნების ჩატარების მოთხოვნით აქციები დაიწყება საქართველოს ყველა დიდ ქალაქში. აქციების სერიას კი დაასრულებს დიდი აქცია თავისუფლების მოედანზე.
„პატრიოტთა ალიანსის“ წევრები არ აპირებენ შეუერთდნენ პარლამენტის წინ მიმდინარე აქციას, რადგან როგორც ირმა ინაშვილმა განაცხადა, მათთვის მიუღებელია „ნაციონალურ მოძრაობასთან“ თანამშრომლობა.
„პატრიოტების“ლიდერის თქმით, მისი პოლიტიკური ძალა არც პარლამენტის ბოიკოტირებას გეგმავს, რადგან მისი თქმით, საკანონმდებლო ორგანო არის მათი პოზიციების დაფიქსირების ადგილი.
ოპერის წინ მიმდინარე აქციაზე შეკრებილ „პატრიოტთა ალიანსის“ მხარდამჭერებს წითელი ბარათები დაურიგეს – მათ სწორედ ეს ბარათები აჩვენებს ხელისუფლებას გაფრთხილების ნიშნად.
www.radiotavisupleba.ge
Loading ...