პატრიარქის თხოვნა მრევლს _ "ამაშია ძალა ქართველი ერისა"

„გაუფრთხილდით სამშობლოს და ეკლესიას“,  _ ამ სიტყვებით მიმართა სრულიად საქართველოს კათოლიკოს-პატრიარქმა მრევლს, სამების საკათედრო ტაძარში, წირვის დასრულების შემდეგ.

ილია მეორემ მრევლს მხარდაჭერისთვის მადლობა გადაუხადა:

„ქადაგება არ მექნება, შეგონება მექნება. მწუხარებამ გაგვაერთიანა ერთმანეთთან და ღმერთთან. გაუფრთხილდით სამშობლოს და ეკლესიას.

ამაშია ძალა ქართველი ერისა. გეძლევათ ლოცვა-კურთხევა, რომ დღეს სახარებიდან წაიკითხოთ ერთი თავი მთელ საქართველოში, ეს მოგცემთ მადლს და წყალობას. დალოცვილი იყავით. მადლობელი ვარ თანადგომისათვის.

თანადგომა გამოიჩინეს სხვა რელიგიების წარმომადგენლებმაც, მუსლიმებმა და სხვებმა. გაიხარეთ, ჩვენთან არს ღმერთი“, _ მიმართა პატრიარქმა მრევლს.