პარტია ,, ხალხისთვის,, ლიდერი ანა დოლიძე გურიაში მოსახლეობას ხვდება

უკვე მესამე დღეა პარტია “ხალხისთვის” ლიდერი ანა დოლიძე გურიას სტუმრობს. პოლიტიკოსი მოსახლეობას ხვდება და მათ გურიასთან დაკავშირებულ სამომავლო გეგმებზე  ესაუბრება. პარტია ,,ხალხისთვის,, თავმჯდომარე დღეს ოზურგეთს სტუმრობდა. ჭავჭავაძის ქუჩა, დასაქმების ცენტრი და საჭადრაკო კლუბი ერთ-ერთი პირველი ლოკაცია იყო სადაც პოლიკიკოსი ანა დოლიძე მივიდა. უკვე მოგვიანებით კი პარტია ,, ხალხისთვის’’ თავმჯდომარე აგრარულ ბაზარში შევიდა და მოსახლეობას, მოვაჭრეებს გაესაუბრა. პოლიტიკოსის გეგმები გურიასთან და არა მარტო მიმართებაში, როგორც თავად განაცხადა ახალი დღის წესრიგის შექმნა, დაპირისპირების დასრულება და მოსახლეობაზე ზრუნვაა. როგორც ანა დოლიძემ განაცხადა, პარტიას ამ ეტაპისათვის გადაწყვეტილი აქვს, რომ ყველა მუნიციპალიტეტის საკრებულოში ჰყავდეს თავისი წარმომადგენელი. ოზურგეთში საკრებულოს დეპუტატობისთვის ანა დოლიძის პარტიიდან ვანო გოგოლაშვილი იბრძოლებს. ის პარტია ,, ხალხისთვის’’ სიის პირველი ნომერი, ხოლო რიგით მეორე სიაში ვასილ ბლაგიძე იქნება. ანა დოლიზე რეგიონებში მოსახლეობასთან შეხვედრებს განაგრძობს.